Dænerinn

2012-01-26T11:21:00.001Z

Maðurinn sem fann upp jóga gerði augljóslega ekki ráð fyrir svona hjólbeinóttu liði eins og mér. Hvernig í fjandanum á ég að halda jafnvægi á einni sveigðri löpp?! Mér líkar þetta ekki. Og það er örugglega slæmt feng shui í þessu. Piff.

2012-01-23T20:52:00.000Z

Ég var að gúggla mig (já já, whatever, eins og það geri það ekki allir) og komst að því að ég gæti hugsanlega verið réttmætur erfingi bakarísveldis þess er við Bernhöft nokkurn er kennt. Eða hvað, gæti það ekki bara verið rétt hjá mér? Það þætti hlunkinum nú ekki leiðinlegt.

2011-11-15T14:19:00.000Z

Nojnojnoj, það væri nú ekki amalegt ef minn dæner væri svona flottur!

2011-10-27T22:41:00.000Z

Mikið rosalega gengur illa að opna dænerinn aftur. Það eru þó góðar og gildar ástæður fyrir því. Ein af ástæðunum er sú að eigandinn er fluttur. Já, ég segi það og skrifa, fluttur af stúdentagörðum, detti mér nú allar dauðar lýs úr höfði! Það þarf augljóslega að ganga frá hinu og þessu áður en tekið verður á móti gestum á nýjum og endurbættum dæner og allt tekur það tíma. Önnur ástæða er sú að

2011-09-01T15:50:00.001Z

Þetta gerði hún elsku besta Hildur mín handa mér um daginn, mér til mikillar gleði. Vægast sagt.

2011-08-31T15:53:00.002Z

Hvurslags er þetta, Dænerinn bara búinn að vera lokaður í næstum því tvo mánuði... þetta gengur ekki! Ég fer alveg að opna aftur. Með nýjan og spennandi matseðil. Og skemmtilegar prumpusögur.

2011-07-05T15:25:00.000Z

Nú styttist heldur betur í sumarfrí... þegar þessum degi lýkur eru bara þrír dagar eftir. Vúhú! Mig langar að halda því fram að ég verði geðveikt slök á því og í svaka rólegheitum en líklegast á ég eftir að finna mér eitthvað til að vera ógeðslega stressuð og tens yfir. Ég á t.d. ennþá eftir að taka öltimeit mp3- og stafrænna mynda sortéringu. Já og svei mér þá, ég held ég hafi bara ekki snert á

2011-06-17T12:21:00.000Z

Ég fagnaði víst of snemma. Ég er ennþá með hita og munu stórhættulegar rassamælingar því verða stundaðar áfram á Eggertsgötunni.

2011-06-17T11:04:00.001Z

Jæja, ég held að ég sé aðeins að skána af hörmulegum veikindum mínum. Það er gott. Aðallega vegna þess að það er viðbjóður að vera veikur en líka út af því að ég hef alltaf svo miklar áhyggjur af því þegar ég er að mæla mig að rassinn á mér herpist óvænt saman og brjóti mælinn. Það er örugglega ekkert gaman að vera með þarmana fulla af kvikasilfri og pínkulitlum glerbrotum. Nú get ég hætt að hafa

2011-06-15T18:29:00.000Z

Nú er miður júní og í stað þess að njóta fyrstu sumardagana (loksins!) þá ligg ég veik. Þetta er rosa kát pest: kvef og beinverkir og stíflaðar ennis- og kinnholur, og svo óvænt aukaeinkenni á hverjum degi. Í gær fékk ég t.d. niðurgang sem var sérlega hressandi viðbót. Í ofanálag er ég að sálast úr áhyggjum yfir vinnunni af því að þar kemur ekki maður í manns stað... þ.e. allt sem á eftir að gera

2011-05-26T12:47:00.001Z

Ég elska, elska leikfimiteygjur þar sem maður á að setja á sig kryppu. Ég er nefnilega krypplingur af guðs náð og líður aldrei betur en þegar ég er með bakið á mér kengbogið og hökuna grafna í bringuna. Mér finnst hins vegar ógeðslega óþægilegt að vera með beint bak og já, bara beinlínis mjög erfitt. Þetta getur verið til vandræða í vinnunni. Þar langar mig auðvitað mest að vera svona: En er

2011-05-25T13:53:00.001Z

Þessi er svalur.

2011-05-24T08:32:00.002Z

Djöfull langar mig í svona. Brátt í brók á mikilvægum fundi? Ekki vandamál.

2011-05-16T15:55:00.001Z

Ég elska hot jóga. En ég vildi að ég þyrfti ekki að reka andlitið á mér ofan í gamla frauðdýnu sem aðrir jógarar svitna líka í. Ætli þessar dýnur séu einhvern tímann þvegnar? Nú á ég reyndar mína eigin dýnu en ég tími eiginlega ekki að drulla hana út í skítugum íþróttasal (í hinu hottjógasvittninu). Annars er ég orðin svaka liðug, það vantar ekki. Það sem hefur valdið mér mestum vandræðum er

2011-05-11T14:59:00.000Z

Það er alveg sama hvað fer ofan í mig, ég er alltaf svöng. Hvað er það? Ætli ég brenni svona ógeðslega miklu við að sitja á rassinum allan daginn? Oooo já, það er örugglega það.

2011-04-28T23:34:00.004Z

Ef fjandans Siglfirðingurinn hefði ekki hirt af mér allar milljónirnar í lottóinu um daginn hefði ég látið byggja svona kvikindi handa mér í Vatnsmýrinni. Ég sé ekki að þessir Vísindagarðar rísi þar hvort eð er. Því miður hefði ég alltof gott útsýni yfir sveitta og örvæntingarfulla námsmenn. Sennilega myndi ég bara fara fram á að Háskólinn yrði færður eitthvert annað. (Meira hér...)

2011-04-24T17:38:00.002Z

Mikið er gott að vera í páskafríi, nú eða bara einhvern veginn fríi. Ég og Sambó erum með mikla veislu í bígerð... reyndar ætluðum við að grilla aðalréttinn en veðrið er svo snældubrjálað að ég veit ekki hvort það verður hægt. Ég er svo sífellt að fylgjast með panna cottanu mínu inni í frysti. Aðallega af því að ég er svo spennt yfir því að hafa verið að nota matarlím í fyrsta skipti. Þ.e. í mat,

2011-04-18T11:24:00.001Z

Ég fór í klippingu um daginn. Klippikarlinn minn aflitar alltaf á mér hárið sem okkur finnst báðum mjög kúl en er reyndar ekkert sérstaklega þægileg aðgerð. Það þarf líka að hafa aflitunarefnið sjúklega lengi í mér af því að inní mér býr lítill túrhaus sem þráir að komast út og ef efnið fær ekki að bíða nógu lengi verður hárið mitt gult en ekki hvítt. Ég leið sem sagt vítiskvalir núna síðast og

2011-04-14T19:36:00.001Z

Ég er alveg handviss um það að í sögu íslensks veðurfars hafi apríl aldrei verið jafn viðbjóðslegur og núna. Þetta er svo viðurstyggilega lífsletjandi að ég hef ekki einu sinni orku í það að vera pirruð og steyta hnefann reiðilega í átt að himni. Heima hjá mér er allt í drasli og ég hef ekki nennt að þvo þvott lengi lengi. Enda er ég komin í síðustu hreinu nærbrækurnar mínar og veit eiginlega

2011-04-12T13:23:00.001Z

Oj, þetta svokallaða íslenska vor. Það lætur mann halda að það sé að koma og svo koma allt í einu haglél. Urrrrg. Ég held það sé kominn tími á uppáhalds sumarmyndina mína. Hún hlýtur að hrekja leiðindin í burtu. Sól sól skín á mig!

2011-04-06T19:32:00.000Z

Smá pirringur hér fyrir neðan. Svona gerist þegar maður er innilokaður heima með man-flu og gerir ekki annað en að sofa og lesa á feisbúkk.

2011-04-06T19:23:00.000Z

Herre-fokkíng-gud, fer þessu Icesave-máli ekki að ljúka? Ég skal jafnvel taka það á mig að borga allt heila klabbið ef ég þarf ekki að hlusta á meira helvítis röfl og þvaður og bjálfalegar röksemdafærslur og áróðursræður úr báðum áttum. Já, segjum það bara. Hendið þessu aftan á námslánin mín og við erum góð.

2011-03-31T11:47:00.004Z

Ég er sjúklega lítið spennt fyrir Eurovision (af hverju Evróvisjón? Af hverju þá ekki Evrósýn?), aldrei þessu vant. Íslenska lagið er svo döll að maður gleymir því meðan það er ennþá í gangi, ekkert hægt að hafa neitt skemmtilegt þema og bara allt í eymd og volæði. Ég ætla hugsanlega bara að velja mér annað land til að halda með. Mér líst t.d. svaka vel á þennan frá Möltu: Albanía er líka nett:

2011-03-28T10:34:00.000Z

Ég er að reyna að manna mig upp í það að vera duglegri að hreyfa mig. Satt best að segja finnst mér ekkert leiðinlegt að fara í ræktina, svona þegar ég næ að útiloka Scooter-tónlistina og hressu „KOMASOOOO“-ópin frá þjálfurunum. Nei nei, það sem er aðallega fúlt við þetta er að á ræktartíma langar mig miklu frekar að gera eitthvað annað. Til dæmis fara á barinn. Bjór í góðum félagsskap er

2011-03-16T19:34:00.000Z

Ojojoj ég var að fá fésbókarvinabeiðni frá bilaða Frakkakvikindinu sem ég leigði einu sinni með (sjá okt. - nóv. 2003 til skýringar). Mikið hef ég rosalega lítinn áhuga á að vera í sambandi við hann. Ég snuðraði samt aðeins á síðunni hans og sýnist hann vera kominn með þessa líka huggulegu kærustu. Ætli hann sé þá hættur að drepa í sígarettum í túnfiskdósum, spyrja fólk hvort baunir séu borðaðar

2011-03-15T14:41:00.001Z

Ég fann afganga af grjónagraut í boxi inni í ísskáp. Ég er samt eiginlega alveg viss um að það hafi ekki verið eldaður grjónagrautur heima hjá mér á þessu ári. Sooooldið ógeðslegt.

2011-03-08T13:52:00.000Z

Ég var allt í einu að átta mig á því að ég hef ekki fengið mér sveittan beikondrjóla hjá Nonna í mörg ár. Þessu verður að bæta úr hið snarasta. Ég kenni andúð minni á öldurhúsum vestan Lækjargötu alfarið um þennnan feil. Fyrirgefðu mér Nonni.

2011-03-08T13:14:00.001Z

Ég er komin í jólaskap af öllum þessum snjó. Það er náttúrulega alveg ferlegt í byrjun mars.

2011-03-06T20:49:00.001Z

Oj hvað ég hata sunnudaga. Þeir klárast nefnilega og þá kemur, jú, mánudagur. Gubb. Ég ætlaði einmitt að þrífa í kvöld en sambýlismaður minn sannfærði mig um að það væri arfaslök hugmynd (bless his soul). Þá hugsa ég að ég fari í náttfötin, fái mér ostapopp og horfi á eitthvað skemmtilegt. Það er svo miklu miklu betra plan. Enda ekki hægt að vera til í svona biluðu skítaveðri eins og er úti brrrr

2011-03-05T22:30:00.000Z

Eins gaman og ég hef af Gettu betur þá er ég orðin hrikalega leið á þessum ofur metnaðarfullu klappliðum sem eyðileggja algjörlega þáttinn með öskrum og hávaða og leiðinlegum fagnilögum eftir hverja einustu spurningu. Þetta var stuð þegar ég var sjálf í menntaskóla (minnir mig) en núna... not so much. RÚV ætti að sjá sóma sinn í því að setja klippta útgáfu af þessu á vefinn hjá sér svo það sé

2011-03-02T12:23:00.006Z

Ég keypti þráðlausa fjarstýringu á tölvuna um daginn og get nú spilað Super Mario Bros 1, 2 og 3 í fartölvunni eins og ég eigi lífið að leysa. Mikið er það skemmtilegt... en ekki var nú grafíkin upp á marga fiska. Sá nýjasti, sem sagt í 3, er líklega þessi frá 1990 á myndinni. Ég get spilað þessar útgáfur og svo Super Marioworld (a.k.a. Super Mario Bros 4). Super Marioworld var reyndar fyrir

2011-02-21T21:44:00.000Z

Er ekki að koma einhver árshátíðatími? Þá er nú eins gott að passa sig að vera upptekinn við annað, enda fátt viðurstyggilegra en 1000 manna fyrirtækjaböll í íþróttasölum. Nú, eða á Hótel Íslandi. Skemmtiatriðin leiðinleg og maturinn ekkert spes. Ég veit svo ekki hvort það eru leifar af einhverjum ónotalegum menntaskólaballaminningum en ég fyllist hryllingi við tilhugsunina um það að ráfa

2011-02-20T14:10:00.001Z

Mig langar sjúklega að raka barnið.

2011-02-14T15:17:00.000Z

Já einmitt, það er Valentínusardagur í dag. Þetta veit ég vegna þess að Feisbúkkið er stútfullt af kommentum eins og: „Fuss og sveiattan! Það er sko ekki haldið upp á Valentínusardag á mínu heimili“ og „Tek ekki þátt í einhverju bandarísku rugli, er ekki nóg að hafa konu- og bóndadag?“. Mér finnst ósköp eðlilegt að halda ekki upp á eitthvað, sama hvað það er, en af hverju eru svona margir

2011-02-14T09:52:00.001Z

Mig langar að búa í svona sveppahúsi. Ég er hvort eð er vön því að búa í pínkulitlu. Ef ég get ekki búið í sveppahúsi, þá langar mig að búa í skóhúsi.

2011-02-09T11:25:00.000Z

Er ekki að koma sumar á þessu landi? Hvernig er þetta eiginlega?

2011-01-24T20:22:00.000Z

Herregud hvað mig langar í svona krúttlegt eldhús. Ég get ekki ímyndað mér annað en að maður sé alltaf glaður með svona fallegt í kringum sig. Ég gæti náttúrulega alveg verið neikvæði nonni og bent á óhentugleika þess að hafa opna skápa og hvað þá fyrir ofan eldavélina, en sei sei nei, í dag ætla ég bara að vera ópraktísk og þykjast ekki vita neitt um slík leiðindi.

2011-01-19T21:49:00.000Z

Djöfull væri þetta nett. Þarna gæti ég bara migið jafnóðum í sjóinn ef ég væri að drekka bjór.

2011-01-19T17:38:00.001Z

Nú er mikill niðurskurður í vinnunni minni eins og sjálfsagt annars staðar. Stærsti plúsinn: Það er ekki lengur keypt viðurstyggileg piparmyntuáfylling á lyktarsprautarana inni á klósetti, hjúkk maður. Stærsti mínusinn (einnig á klósettinu): Nýju sparnaðarhandþurrkurnar eru jafn rakadrægar og bökunarpappír. - - - - - - Svo er komið eitthvað æðisgengið ruslaflokkunarsystem... sér fata fyrir ál og

2011-01-15T16:30:00.000Z

Ég fór í sund áðan sem var mjög góð hugmynd. Þar steig ég á vigt sem var ekki jafn góð hugmynd. En hey, svo fattaði ég, blautt hár + blautur sundbolur = a.m.k. 10 kíló. AÐ MINNSTA KOSTI TÍU KÍLÓ SEGI ÉG!

2011-01-04T08:50:00.000Z

Mig dreymdi að ég hefði verið á tónleikum með Gino Paoli. Hann mundi ekki hvað lagið hét sem hann var að spila svo ég hvíslaði því að honum. Hann hreifst svo af mér að hann sendi mér gjafakörfu heim. Eða réttara sagt tróð henni inn um baðherbergisgluggann því ég vildi ekki opna fyrir honum. Undarlegur andskoti. Draumfarir mínar hafa verið vægast sagt skrýtnar undanfarið... ætli það sé ekki allur

2010-12-20T11:15:00.003Z

Konan á skrifstofunni við hliðina á mér er viss um að hún sé að fá ælupest en neitar að fara heim úr vinnunni. Ég sver það að ef ég smitast og verð gubbandi á aðfangadag þá mun ég fara heim til hennar og lemja hana í klessu. Og æla yfir jólamatinn hennar.

2010-12-13T00:09:00.000Z

Á föstudagskvöldið dansaði ég eins og enginn væri að horfa. En það var fólk að horfa.

2010-12-07T20:25:00.000Z

Desember er æði. Ég hendi upp pínkulitlu plastjólatré og set seríu í gluggann og voilá, allt tilbúið. Árið 2007 gerði ég þau heimskulegu mistök að senda jólakort en ég ákvað að gera það ekki aftur og minnkaði þar með stressið um 90%. Nú er bara að byrja að hita upp magann. Kannski ætti ég að fá mér spari-jogginggalla... þessi venjulegu spariföt eru alltof heftandi þegar maður er búinn að troða

2010-11-29T22:14:00.000Z

Michelle með Bítlunum er í útvarpinu. Þetta er fallegt lag en algjörlega ömurlegt val fyrir tvær skrækar stelpur að syngja í karókí. Ég og Svölungur litla systir tókum þetta á Live Pub einhvern tímann og ef ég hefði ekki verið ofurölvi þá hefði ég skammast mín sjúklega mikið. Ég eiginlega skammast mín samt, þó ég hafi verið ofurölvi. Ég held meira að segja að það hafi verið púað á okkur. Af

2010-11-26T14:45:00.000Z

Ég ætla að skella mér á pöbbkviss á eftir... og það þó ég sé með mjög einkennilegan verk í lifrinni sem ég er búin að reyna að leiða hjá mér í allan dag.

2010-11-24T20:18:00.001Z

Ég þjáist af gríðarlegu andleysi akkúrat núna. Ég er næstum því viss um að fullt af nammi mun lækna mig. Verst að ég er alltaf í vandræðum með líkamsmarkmiðin mín. Eina stundina langar mig að grennast og hina stundina langar mig að ná þriggja stafa tölu en hvorugu verkefninu hef ég nennt að sinna af nokkurri alvöru svo ég dandalast bara áfram í einhverri ömurlegri meðalmennsku. Nú er spurning um

2010-11-22T16:25:00.000Z

Ég hef tekið til í tenglum. Þeir sem hafa ekkert bloggað á árinu fengu að fjúka. Og hananú. Dáldið fátæklegt svona en það verður bara að hafa það. Letingjar.

2010-11-22T13:18:00.001Z

Tilhugsunin um mánudag er ömurleg en mánudagurinn sjálfur er ekkert svo slæmur. Leiðinlegt að þessi tilhugsun skuli eyðileggja fyrir manni alla sunnudaga. Skárra væri þá bara að hafa mánudaginn leiðinlegan. Nú er tilhugsunin um að ég þurfi að kynna mér frambjóðendur í kosningum til stjórnlagaþings að sliga mig. En kannski er tilhugsunin verri en raunverulegi atburðurinn. Vonandi. Ég nenni engan

2010-11-19T08:15:00.000Z

Föstudagur Hauksson, ó hve heitt ég elska þig!

2010-11-15T09:15:00.000Z

Ætlar maður ekkert að vaxa upp úr því að hata mánudaga? Ég sver það. Nú ætla ég að horfa á sætu hvolpana og vona að dagurinn verði fljótur að líða.

2010-11-11T20:16:00.000Z

Ég er búin að finna draumabrúðarkjólinn minn. Eins og glöggir lesendur muna þá var það þessi: En nú er ég eiginlega búin að lofa vinkonu honum þannig að ég ætla að fá mér svona: Ég bara spyr: Hvað gæti hugsanlega farið mér betur? Ekki neitt. Ég ætla reyndar bara að setja bjórvömbina í gatið, ekki óléttubumbu. Ég hugsa að það gæti jafnvel verið flottara. Já já já, ekki nokkur spurning. Þetta er

2010-11-09T21:04:00.003Z

Sjiiitt hvað þetta væri sniðugt á stúdentagarðana:

2010-11-08T09:48:00.005Z

Oj, veðrið í morgun var þannig að mig langaði að loka augunum aftur og vakna hér: Svo ég snúsaði og snúsaði en allt kom fyrir ekki.

2010-11-06T10:30:00.000Z

Ég virðist hafa blikkað augunum og allt í einu er árið 2010 að verða búið. Í tilefni af því ætlaði ég að fara yfir áramótaheitalistann minn og sjá hverju ég hefði áorkað. Ég hélt ég hefði bloggað lista en nú finn ég ekki neitt. Ég veit þó að ég bakaði naan-brauð en ég veit líka að ég lærði ekki að spila á gítar. Bæði þessi atriði voru á týnda listanum en ég man ekki eftir neinu öðru. Þá ætla ég

2010-10-15T09:35:00.002Z

Nú er Airwaves sem er svaka stuð fyrir marga. Ég er ótrúlega óhipp og ókúl og hef bara einu sinni farið, og það með ótrúlega glötuðum árangri. Það var í fyrra. Þá fórum við á svakalegt fyllerí á föstudeginum í Listasafni Reykjavíkur. Röðin á klósettið var sjö kílómetra löng svo ég eyddi megninu af kvöldinu í að míga fyrir utan Grillhús Guðmundar með góðfúslegu leyfi dyravarðanna á listasafninu.

2010-10-02T10:53:00.000Z

Ég held ég verði að hætta að drekka. Jafnvægisskyn mitt virðist eitthvað vera að minnka og þá sérstaklega ef ég fæ mér í glas. Um daginn fékk ég mér afmælisdrykk og var að tala við Sambó á meðan ég hjólaði heim. Vildi þá ekki svo illa til að ég hjólaði beint út í blómabeð og stakkst á bólakaf í rennblauta drullu. Drullan var þó skárri kostur en Tjörnin sem var líka rétt hjá. Í gær var ég svo með

2010-09-27T16:58:00.000Z

Þá er það hot-jóga aftur í kvöld. Það er ekki lítið hressandi. Þó hef ég dálitlar áhyggjur af mottunum í salnum. Ætli þær séu einhvern tímann þvegnar? Ég vona það... þarna eru allir ógeðslega sveittir og á tánum í ofanálag. Ekki svalt að liggja með andlitið ofan í svoleiðis óværu. Annað sem er dálítið að angra mig er þegar jógakonan skipar öllum að vera með hnén saman. Það sér það hver heilvita

2010-09-20T14:42:00.002Z

Ég er að horfa á True Blood þessa dagana. Jú jú, þetta eru sæmilegir þættir en aðalatriðið er þó karlpeningurinn. Ég hef bara aldrei séð annað eins samansafn af kynþokkafullum gaurum. Það er eiginlega alveg átakanlegt. Uss uss nei, við skulum taka ljótu konuna: Thaaaat's more like it.

2010-09-14T21:43:00.000Z

Það er allt í einu komð suddalega mikið haust. En það er allt í lagi. Ég fíla haustin. Það er einhver kósí fílíngur sem fylgir þeim. Nú og svo er ammmlið mitt á haustin og það er alltaf jafn skemmtilegt. Í ár langar mig í þriggja herbergja íbúð með baðkari og uppþvottavél í afmælisgjöf. Og helst með garði. Sá sem gefur mér svona verður að eilífu uppáhalds. Takk takk.

2010-09-13T15:01:00.002Z

Oooo mig langar svo í svona:

2010-09-10T14:41:00.001Z

Það er algjörlega vangefið hvað ég er heppin þessa dagana. Ég fékk þennan tölvupóst rétt í þessu: Þú hefur unnið! Netfangið þitt hafa unnið 850,000,00 Euro (Átta hundruð og fimmtíu thaosand evru) í Euro Million netinu getraun program haldinn 2010/08/09 í Hollandi. Vinsamlegast hafðu samband við Mr. Frederiek Henk-Jan, fyrir kröfu og fram hér að neðan aðlaðandi upplýsingar til hann Nöfn: Sími:

2010-09-02T22:42:00.000Z

Facebook er að fara með mig. Ég er að eipsjitta yfir persónuupplýsingaáhyggjum og því að fullt af líði sé að skoða myndir af mér og svoleiðis. En steininn tók nú úr í kvöld; ég átti nefnilega 349 vini í gær, 347 í dag og svo núna 348. Samt hef ég ekki bætt neinum við eða samþykkt. Hver er að dömpa mér? Hver er að bætast við? Hvað í fjandanum er að gerast?! Þetta apparat er ekki fyrir svona

2010-08-24T10:26:00.000Z

Ég hef verið að pæla í því hversu oft er eðlilegt að fara fram úr rúminu á kvöldin til að athuga hvort útidyrahurðin sé læst og slökkt á eldavélinni, áður en það fer að teljast þráhyggja. Ég myndi segja svona fimm sinnum.

2010-08-19T19:51:00.000Z

Nei, fjandinn hafi það, nú er hávaðinn í garnagaulinu alveg að gera út af við höfuðið á mér. Þetta kalla ég ekki góða samvinnu á milli deilda. Hver stjórnar þessu eiginlega?

2010-08-19T19:37:00.000Z

Nú er illt í efni. Ég er ógeðslega svöng en til þess að búa mér til eitthvað að borða þyrfti ég fyrst að vaska upp. Því nenni ég alls ekki. Í ofanálag er ég með djöfullegan hausverk en eina verkjalyfið sem er til á þessu heimili er Parkódín Forte (síðan Sambó fór í einhvern uppskurð). Ég kýldi eina svoleiðis í kokið á mér áðan... kannski slæ ég bara tvær flugur í einu höggi; losna við hausverkinn

2010-08-06T10:35:00.002Z

Ef farið er til Agureirys er um að gera að skreppa á Mongó-sportbar. Og já, hann er til í alvörunni. - - - Annars getiði bara lesið færsluna hans Dr. Gunna frá 03.08.10 ef þið viljið lesa ferðasöguna mína frá því um daginn. Við fórum eiginlega á alveg sömu staði. Nema hann lét taka sig í rassinn á Café Margréti (fyrir utan Breiðdalsvík) þegar hann var rukkaður um ógeðslega marga peninga fyrir

2010-08-03T22:49:00.001Z

Ég ætla að fara í jóga með Fridzanum mínum á morgun. Kannski verður það einhvern veginn svona: (http://davidfeldmancomedy.com/yoga.jpg)

2010-08-03T02:21:00.000Z

D: Þú veist væntanlega að hnignun viðtengingarháttar þýðir hnignun samfélagsins eins og við þekkjum það? S: Af hverju ertu ber að neðan? D: Væri samfélagið ekki aðeins betra ef við værum öll alltaf ber að neðan? S: Jú. Hvað á ég að kaupa í sjoppunni? D: Sígarettur og frosna pítsu og kók. S: Ókei. Farðu í buxur.

2010-08-02T10:59:00.003Z

Næstsíðasti dagur í sumarfríi. Tilhugsunin er óbærileg.

2010-07-30T16:54:00.000Z

Ég var eitthvað að þvælast úti á landi í vikunni og ætlaði að koma með ferðasögu en nenni því eiginlega ekki. Hins vegar langar mig agalega að kvabba yfir örfáum atriðum sem fór sérstaklega í taugarnar á mér í ferðinni: 1) Malarveganíðingar. Þeir eru ógeð. Hvers konar rumpulýður er það sem tætir fram úr manni á 130 á malarvegi? Eða mætir manni án þess að hægja á sér? Ég tala nú ekki um þegar

2010-06-27T10:59:00.000Z

Ég þarf svo mikið að næla mér í svona fyrir sumarið.

2010-06-27T10:24:00.001Z

Ég er orðin kelling. Ég hjólaði upp í Laugardal um daginn í góðu veðri og langaði undir eins að flytja þangað. Það er svo mikill gróður þar og skjólsælt. Þetta er í fyrsta sinn sem mig langar að búa annars staðar en í 101. En maður gleymir ekki aðalatriðunum, neibbs, ég reiknaði líka út á Já.is hversu langt er á danska barinn og það er bara rétt hálfum kílómetra lengra en heiman frá mér núna

2010-06-21T17:38:00.001Z

Þegar sumarið kemur langar mig alltaf til að vera með garð. Til að rækta grænmeti og líka til að sitja og drekka bjór og grilla og svoleiðis. Við gerðum reyndar tilraun til að rækta grænmeti á einhverjum skika í fyrrasumar. Verkefnið byrjaði af miklum krafti en nokkuð dró úr áhuganum þegar líða tók á sumarið. Við dröttuðumst til að kíkja á þetta einhvern tímann um haustið og þá var allt salatið

2010-06-19T15:46:00.000Z

Ég var að fatta að það var einmitt á síðasta HM í fótbolta sem ég og Sambó fórum að draga okkur saman. Þá þóttist ég nenna að glápa á fótbolta. Þá fór ég líka alltaf inn á klósett til að prumpa. Hvað gerir maður svo sem ekki fyrir ástina?

2010-06-14T08:25:00.000Z

Mér finnst mjög gaman að Popppunktur sé byrjaður aftur. Er þá ekki tilvalið að endurútgefa spilið? Við erum komin marga marga hringi í spurningunum og auk þess er búið að hella ógeðslega oft yfir spjaldið og popphjólið orðið klístrað og stirt. Það má eiginlega segja að þetta gangi ekki lengur.

2010-05-26T15:48:00.000Z

Ég hjólaði í gegnum Nauthólsvík með Sambó á sunnudaginn. Það var kostulegt. Allt skítstappað af fólki á sundfötum... samt var svona tólf stiga hiti. Það sem vakti hjá mér mestan óhug var þessi ferkantaði heitipottur þarna upp við húsið. Ofan í honum voru svona 130 manns, allir ógeðslega klesstir upp við næsta mann. Svo glampaði á húðfitubrákina ofan á vatninu. Oj bara. Ég er ekki einu sinni viss

2010-05-13T19:13:00.003Z

Mikið var síðasta sumar dásamlegt. Ég held að þetta sumar verði gott líka.

2010-05-04T08:44:00.000Z

Ég hef verið svo miður mín yfir þessu klúðri hjá YouTube að ég hef ekkert getað bloggað. Hvernig dirfast þeir að láta myndbandið ekki passa á síðuna mína? Dusilmenni. Annars var ég að klára bækurnar um Þórberg eftir Pétur Gunnars og datt í hug hvort maður ætti ekki að henda sér í dálítið ítarlegri dagbókarskrif, rétt eins og Þórbergur. T.d. „14:35 Hafði hægðir. 17:10 Fór í klippingu.“ o.s.frv.

2010-04-26T14:35:00.001Z

Hvað er málið með YouTube? Af hverju fer vídeóið út fyrir? Af hverju?!

2010-04-26T14:32:00.004Z

Það er alltaf svo myglað að mæta í vinnu aftur eftir frí... þó það hafi ekki verið nema fimm daga. Maður er ótrúlega fljótur að venjast því að hanga. Annars er það helst að frétta af mér og Sambó að við höfum farið hamförum í eldhúsinu það sem af er árinu. Alltaf að prófa eitthvað nýtt og framandi. Ég er t.d. með grasker heima sem bíður þess að vera notað í eitthvað frábært. Þó heppnast ekki

2010-04-23T11:01:00.001Z

Ég er í fríi í dag en í staðinn fyrir að njóta þess sit ég með hjartað í buxunum yfir vinnustressi sem þarf að reddast í dag. Nú er ég búin að hringja nokkrum sinnum til að tékka á því og rækta magasár þess á milli. Geggjað frí. Það er annað en Sambó sem er sjúklega afslappaður og ennþá sofandi. Þetta er ungt og leikur sér og áttar sig sennilega ekki á því að prófin nálgast óðfluga. En eníhú,

2010-04-09T20:31:00.000Z

Híhí! (http://cuteoverload.com/2010/03/14/seal-bomb/)

2010-04-01T12:35:00.000Z

Mig dauðlangar að detta í hug eitthvað bráðsnjallt aprílgabb en ég er alveg galtóm. Í fyrra laug ég að nokkrum að verið væri að gefa páskaegg í 10-11 á Eggertsgötunni. Sambýlismaður minn og frændi (ekki sami maðurinn, bara svona til að fyrirbyggja misskilning) létu gabbast. Sambó fór út í búð en fann ekki neitt svo hann fór heim aftur og hringdi í mig til að kvarta. Ég sagði honum að starfsfólkið

2010-03-30T11:58:00.001Z

Þetta langar mig að gera í páskafríinu:Taka til í fataskápnum Hreinsa til í rafræna tónlistarsafninu mínu Hreinsa til í rafræna myndasafninu mínu Þrífa íbúðina almennilega Taka til í geymslunni Klára bókina sem ég er að lesa Þetta mun ég sennilega gera í páskafríinu: Detta í það Og í framhaldi af því: Vera þunn Glápa á vídeó Éta súkkulaðileifar upp úr naflanum á mér

2010-03-29T20:24:00.009Z

Ég smellti á auglýsingu um þessa síðu af Facebook í dag. Nú ætla ég svo sem ekkert að dæma um það hvort til séu plástrar sem „senda frá sér ákveðna ljósorku á ákveðinni tíðni þegar þeir koma inn í hitasvið líkamanns með skilaboðum til líkamans um að gera hitt og þetta, bæta og laga eitt og annað“. Hins vegar set ég spurningamerki við aðrar upplýsingar sem þarna koma fram. Þarna er dásamað

2010-03-22T20:10:00.000Z

Ég er í frí-krísu (frísu?). Ég var búin að lofa sjálfri mér að fara ekkert til útlanda í sumar. Aðallega vegna þess að ég var í þrjá mánuði að borga kreditkortareikninginn minn eftir ferðina síðasta sumar. Núna er ég samt alveg að drulla í brækurnar, mig langar svo mikið út. Ég er búin að vera að glugga í gegnum orlofshúsasíðuna hjá stéttarfélaginu mínu í von um að sjá eitthvað girnilegt

2010-03-19T21:22:00.000Z

Þegar ég verð stór langar mig í risastórt eldhús með útsýni yfir garðinn minn. Kannski dálítið eins og í þessu húsi:

2010-03-19T08:58:00.001Z

Tvær systur rölta saman í Háskólabíó á tónleika: 1: Mikið er veðrið nú fallegt. 2: Já alveg svakalega. Sjáðu líka hvernig skín á fjallið þarna. Hvaða fjall er þetta annars? 1: Uuuu, þetta er reyndar Esjan. 2: Já djók, æi ég er nefnilega ekkert svo góð í raungreinum og vísindum. 1: ???

2010-03-17T13:55:00.001Z

Síðan síðast er ég búin að: Fá skemmtilegan útlending í heimsókn. Fara á fjórhjól. Fara í Bláa lónið (fékk yfirdrátt fyrir því). Sigla á kajak í sjónum. Fara í sund á Stokkseyri. Borða tapas og drekka marga bjóra og margar ginblöndur með skemmtilegu fólki. Keyra út um allt Suðurland og Suðurnesin. Og síðast en ekki síst: Fá blöðrubólgu í fyrsta skipti. Það lýsti sér nú helst þannig að ég var

2010-03-08T10:30:00.000Z

Það er eitthvað fluffedífluff í gangi með þessi komment hérna á síðunni. Það plagar mig mjög. Reyndar var ég búin að fá trilljón pósta frá Haloscan um að blablabla, vildi að ég gæti sagt hvað en ég náttúrulega nennti ekkert að lesa, hélt að þetta væri eitthvað spam bara. Nú er ég búin að lesa póstana frá þeim og obbobb, þá er bara Haloscan að loka og einhver fjandinn og ég hafði þarna einhvern

2010-03-03T09:38:00.000Z

Hvað er eiginlega að gerast með tímann? Hvernig getur verið kominn mars? Ég finn dauðann nálgast með hverjum andardrætti. Þess vegna ætla ég að labba ber að neðan niður Laugaveginn í dag. Nýta tímann maður, nýta tímann.

2010-03-01T09:06:00.001Z

Ég fékk þennan dásamlega tölvupóst áðan: Nudd á íslensku/Massage in English Nota þetta framlag til að vinna License Ástkær vini í Drottni, Kveðja til þín og alla fjölskylduna þína, það er satt að við vitum ekki hvert annað í fortíðinni en ég fékk samband við á meðan persónulegur

2010-02-28T12:52:00.000Z

Stærsti gallinn við að eiga ekki bíl er að þurfa að dröslast í matarbúð í strætó. Ég held samt að það séu óumflýjanleg örlög mín í dag. Mikið vildi ég að Stúdentagarðar hefðu reynt að fá einhverja aðra búð á svæðið en skítabúlluna 10-11.

2010-02-22T20:23:00.002Z

Jæja, fimm dagar liðnir og ég hef barasta ekkert skitið á mig. Það er afrek, a.m.k. ef eitthvað er að marka minn sjúka sambýlismann, og þar sem ekki er frekari afrekum fyrir að fara í lífi minu þessa stundina ætla ég bara að vera stolt af því. Annars er það helst að frétta að fólk fer dálítið í taugarnar á mér, þá sérstaklega reyndar vitlaust fólk en það ættu nú flestir að skilja. Nema þessir

2010-02-17T18:03:00.001Z

Átti þetta símtal við ástkæran sambýlismann minn áðan: Sambó: „Ég var að spá í að kaupa kannski skyr eða eitthvað í kvöldmatinn... eða súrmjólk.“Deeza: „Jaaaaá, ég borðaði samt súrmjólk í morgunmat. Og jógúrt eftir hádegismatinn. Sú jógúrt varð reyndar valdur að því að ég þurfti að hlaupa heim og skipta um föt.“S: „Haaaa? Æi, kúkaðirðu á þig?“D: „Whaaaaat?!“S: „Nei, þú veist, ég meinti ekki að þú

2010-02-05T22:12:00.001Z

Ég horfði á Goodfellas einu sinni sem oftar um daginn (sorrý Snorri, ég fer alveg að skila henni) og komst þá að því, mér til mikillar undrunar, að í uppáhaldsatriðinu mínu er spilað eitt af mínum uppáhaldslögum. Reyndar ekki í útgáfunni sem ég þekkti, þ.e.a.s. upprunalegu útgáfunni með höfundinum Gino Paoli, heldur söngkonunni Minu. Hún gaf lagið svo út líka í enskri útgáfu sem mér finnst

2010-01-24T22:14:00.002Z

2010-01-05T20:59:00.004Z

( http://epaper.visir.is/media/200911170000/pdf_online/1_22.pdf) Þetta var í Fréttablaðinu einhvern tímann í nóvember. Ég verð að vera ósammála stelpunum. Mér finnst frekar lítið spennandi að sjá hvort það finnist ekki ný „skvísu-mennta“ stjarna. Svona „bókmenntir“ eru jafn hressandi og þynnkuprumpsbremsufar í langri strætóferð. Ein Sophie Kinsella er alveg nóg fyrir heiminn. Satt best að

2010-01-03T14:42:00.002Z

Það er greinilegt að fregnirnar af næturævintýrum mínum um daginn hafa breiðst út um svæðið þar sem það er komið upp nágrannavörsluskilti við Ara- og Oddagötu. Íbúar hverfisins geta sofið rólega á meðan ég fylgist með.